D’Stroossekaart ass eng digital Kaart déi a verschiddene Moossstief ugewise gëtt an enthält de Stroossereseau, d’Gebaier, d’Vegetatioun an d’Gewässer. Se gëtt all Mount aktualiséiert an déi nei Stroossen ginn zesummen mat den Ännerungen um Kadasterplang agedroen. D’Kaart baséiert op der Vector Tiles Technologie, wat engem nei Méiglechkeeten fir d’Duerstellung bitt.

De Stil Editeur gëtt Iech de Choix tëschent 3 verschiddenen Editiounsmodussen:

- Virdefinéierte Stil auswielen: Dësen Editiounsmodus mat virdefinéierte Stilen gëtt Iech eng Lëscht vu fäerdege Faarfkombinatiounë mat deenen Dir d'Kaart kënnt afierwen.

- Haaptfaarwen änneren: Dëse Modus erlaabt et Iech fir déi eenzel Thematike vun der Kaart mat enger individueller Faarf ze definéieren. Dir hutt och d’Méiglechkeet fir eng Thematik un oder aus ze schalten, andeems Dir d’Këscht hannendrun uklickt.

- Erweidert Méiglechkeeten: Dese Modus erlaabt et Iech, de Stil vun der Kaart ouni Aschränkung un ze passen. Mat Hëllef vun dem externe Stil Editeur Maputnik (https://maputnik.github.io/) kënnt Dir all Zort vu Modifikatioun maachen. Wann der fäerdeg sidd, kënnt Dir äre Stil erëm eroplueden.

Des Astellunge bleiwen an Ärem Browser gespäichert, wann Dir ageloggt sidd, ginn se an Äre Profil gelueden, sou datt Dir se vun do och op engem anere Computer kënnt erëm benotzen.

Natierlech kënnen déi Astellungen dann och weider benotzt gi fir eng personaliséiert interaktiv Hannergrondkaart an Ärem eegene Website ze integréieren.