D’Miesskampagne gouf vun Schroeder&Associates als Deel vum Silent Cities Projet virgeschloen an initiéiert, engem grouss geleeten participativen Emweltiwwerwaachungsprogramm zur Dokumentatioun vun enger aussergewéinlecher Verännerung vun der urbaner Geräischkuliss opgrond vum wirtschaftlechen Réckgang, deen duerch d’Pandemiebeschränkungen vum COVID-19 verursaacht gouf.

D’Ëmweltverwaltung huet Schroeder&Associés beoptraagt als spezialiséierten an akkreditéierten Büro mat der Duerchféierung vun akusteschen Miessungen un 10 auserwielten Immissiounspunkten.

Letztendlech goufen et 13 Immissiounspunkten, „IP (Immissiounspunkt)“ genannt, op dem Gebitt vun der Stad Lëtzebuerg (Millebaach, Cessange, Gasperich, blvd. Royal, Glacis), der Gemeng Esch-sur-Alzette (Gare), der Gemeng Dudelange (rte de Luxembourg), der Gemeng Sanem (Belvaux), der Gemeng Mondercange (Pontpierre), der Gemeng Diekirch (Sauerwiss), der Gemeng Mersch (Lankheck), der Gemeng Ettelbrück (rue Pierre Wiser) an der Gemeng Walferdange (Heisdorf).

Restriktiounsmoossnahmen hunn zu engem staarken Réckgang vun der mënschlecher Presenz am ëffentlechen Raum gefouert. D’Transportmëttel (privat an ëffentlech) souwéi déi berufflech an Fräizäitaktivitéiten goufen erheblech reduzéiert. D’Geräischer déi duerch dës Aktivitéiten produzéiert gi, hunn an der Intensitéit ofgeholl. D’Zil vun der Missioun war et, den Schalldruckpegel ze miessen, fir eng ausräichend an representativ Unzuel vun Donnéeë ze sammelen, déi duerch déi statistesch Veraarbechtung d’Erstellung vun Kaméidisindicateuren erméiglechen, déi representativ fir d’Ëmgéigend um Immissiounsuert am Rahmen vum Confinement ab 15.Mäerz sinn.

Fir 8 vun den 13 Immissiounspunkten leien Schallpegeldaten vir, déi wärend enger Miesscampagne aus dem Joer 2019 gesammelt goufen. Doduerch ass et méiglech, déi 2019 festgeluechten Wäerter mat den aktuellen Wäerter ze vergläichen oder d’Entwécklung vun der Klanglandschaft wärend der Phase vum Déconfinement an Bezuch op d’Referenzwäerter ze beobachten.